كيف أكشف زوجي إذا كان يعرف وحدة غيري تزوجته وعمري ‏17سنة وألحين عندي ‏3عيال وعمري ‏23سنة وأحس إن أهله مايحبوني ولا يحبون عيالي مع العلم إن أبوه كان يبغي يزوجه من بنت عمه وألحين إهي تزوجت وعندها طفل خبروني شسوي معاه بس بدون مايدري إذا درى راح يهاوشني ويزعل وأخاف يروح يقول لأمه وتشوشه علي

( لا تسالو عن اشياء ان بتدو لكم تساكم)

يالغالية لا تفتشي وتقهري نفسك
حتى لو كان يعرف مرد الرجال لبيتو وحرمتو واولادو
فلا تخربي على نفسك بسبب بنات ابليس
ويمكن ما يكون يعرف وحدا بس ضنون وشك
فلا تفكري في الموضوع وتتعبي نفسك
زي ماقالت الغالية ام فارس

والله يسعدكم ويخليكم لبعض طول العمر

السلام عليكم
الشيطان قاعد يلعب في راسك ويوسوس لك استعيذي بالله منه واستودعيه الله

ياحبيتي لاتحاولين تدورين وراه
مو زين بحقك ولابحقه
وبعدين نفسيتك بتتعب وتخسرين بيتك وعيالك

غاليتي عيشي حياتك واهتمي بزوجك واولادك تعيشي مرتاحه ولاتفكري بخيانه وغيره الله ييسرامرك اااامين

الله يسعدك يالغلا

حبيت اقول الصبايا ع حق

لاتنبشين بشي يمكن يخرب عليك حياتك

تقبلي مروري

اللهم اسعدها واشرح قلبها ويسر امورها

]مشكورين وماقصرتو مثل ماقلتو إن بعض الظن إثم وأناظنيت فيه من غير سبب تراه كان يحضر لي مفاجئة وكانت حج بيت الله الحرام وبهذا الشئ خلاني أعيد التفكير وعرفت شكثر يحبني وما يستغنى عني وعن عيالي ‏