تقييم الأعضاء الشهري .. متجدد بإذن الله
** وده ملخص التقيم اللي هيتعمل للأعضاء **
ان شاء الله ده الموضوع الأول لتقييم الأعضاء والمشرفين مع بعض لافرق هنا بين عضوه ومشرفه نخش في الموضوع .................................
هاده عبارة عن ملخص بسيط لتقييمك للأعضاء في المنتدى
وهاده هيتم بناء على وجهة نظرك الشخصية
واللي هتتحدد من خلال اجاباتك على الأسئلة اللي هطرحها عليكو
هي مش أسئلة بمعنى اسئلة
هي عبارة عن حاجة زي أكمل الفراغ !!
هيبتدي التقييم في منتصف الشهر والنتيجة في الشهر اللي بعديه
التقييم هيتم بناء على عدة شروط لابد من الالتزام بها علشان التقييم يبقى مظبوط وعادل وعلشان نبقى على نور:
1- عدم وضع اكتر من 3 أعضاء في السؤال الواحد
2- عدم كتابة المصطلحات الاتية او بما معناها (كل المنتدى – كل الاعضاء – مفيش حد - معرفش....الخ)
3- عدم كتابة نفسك امام أي خانة يعني متقيمش لنفسك ومتديش صوت لنفسك
4- عدم ترك أي سؤال فاضي
5- جميع الاجابات في اطار المنتدى فقط يعني محدش يقول (حبيبتي – ماما – بابا – تيتا – جدو – صاحبي- انتيمي - ..................الخ)
6- شرط اللي مشارك معانا في المسابقة لا تقل عدد مشاركاته عن 20 مشاركه ( مهم )
وصوتك ده مهم في نهاية التقييم،،، عشان في النهاية هنجمع الاصوات ونشوف مين أكتر عضوه أو مشرفه جمعت أكتر عدد من الاصوات !! وهى اللي هتبقى
>>>> نجمة الشهر <<<<
على فكرة الموضوع عايز صبر منك وتأني ,,,, عشان ناخد منك اجابة كويسة!!!
أرجوكم اللي معندوش صبر ميجاوبش !!!
الاسئله الاختياري والاجباري الخاصه بالتقيم
عاوزين شغل منكم بقي جامد وطبعا المنافسه الشريفه بين الاعضاء بيبقي ليها طعم تاني والبقاء للأقوي
وطبعا نجاح الاعضاء بيعتمد علي نشاطه في المنتدي وحيويته ومكانته بين الاعضاء.. و كل ده ليه دخل بنجاحه في التقيم ده ..وكفايه اوي انه ياخد لقب حب الناس ..وانه اكتر عضوه محبوبه وسطينا ..
اعتقد كده وصلت الفكره .. نشوف شغل الاعضاء بقي وبعدين نبدأ التقيم ..دي فرصه للاعضاء انهم يحسنوا من ادائهم لينالوا المركز الاول معانا ..وطبعا انا نفسي كل الاعضاء تكون مركز اول
أسئلة التقييم الإجبارية
1- أكتر شخص محبوب :000000000 ( 3 أعضاء
2- أكتر شخص مجتهد :0000000000000000 ( 3 أعضاء )
3- أكتر شخص جدع 000000000000000000: ( 3 أعضاء )
4- أكتر شخص مبدع000000000000000000000 (مبتكر) : ( 3 أعضاء )
5- أكتر شخص له شعبية :000000000000000000 ( 3 أعضاء )
6- أكتر شخص دمه خفيف : ( 3 أعضاء )
7- أكتر شخص مخلص : ( 3 أعضاء )
8- أحلى مواضيع لـ : ( 3 أعضاء )
9- أحلى ردود لـ : ( 3 أعضاء )
10- أحلى اسم مستعار لشخص: ( عضوين )
في بقى اسئلة اختيارية ليكو اللي عايز يجاوبها يجاوبها واللي مش عايز براحته
بس دي مش هتتحط ضمن التقييم بس دي للمعرفة يعني
1- انت غايب بس متواجد معانا في قلوبنا :
2- وردة لا تملك الا ان تعطيها لشخص واحد فمن هو :
3- شخص يتمناه يحصل على اللقب :
4- أحلى توقيع لـ:
6- أديب ( كاتب )المنتدى :
كل واحد يدخليشارك في الموضوع مرة واحدة في كل المراحل
كده انا خلصت أسئلتي !! يا ريت بقى كل واحد يجاوب هنا وانا كمان معاكو
وان شاء الله هيتم تجميع الاصوات ,,,
ولما ينتهي شهر من الموضوع هنعلن بإذن الله النتيجة النهائية
واللي هتكون في اول شهر منتصف شهر ديسمبر القادم ان شاء الله ,,,
وهنختار الفائزه والوصيفه بتاعه وأتمنى من الإدارة التفاعل ووضع جوائز
المواضيع المتشابهه
تقييم الأعضاء الشهري .. متجدد بإذن الله
العرض العادي
