مهم لكل حامــل (سالفة اجهاضي)وعسى الله يثبت مافي ارحامكم

[العنود]

السلام عليكم
خواتي بكتب لكم سالفتي والوقت الصعب الي مريت فيه والله لا يراويه لأحد والحمدالله على كل حال والخيره في ما اختاره الله وانشالله كل حامل تدير بالها ولا تستهين بأصغر الاشياء ممكن تكون خطيره

بالبدايه كانت تييني افرازات بس ماشكيت فيها لانها من غير الم ولا في شي غير انه بكثره وكنت اعتقد انها طبيعيه بحكم انه بطفلي الاول كان نفس الشي بس الفرق انه اللون اغمج بشوي وكانت جرس الخطر اني اروح اراجع الدكتوره بس كنت ناطره موعدي معاها وقدر الله ماشاء فعل وكتب اني اجهض الطفل قبل الموعد بيوم (تقريبا بدت معاي من 10 ايام من الموعد)

ويوم الاثنين الي طاف انبط ماي الياهل وقام ينزل فجاه من غير عوار من غير سابق انذار وانا بالشهر 6 واسبوع من السابع
على ماوصلت المستشفى وفحصوني وصعدوني الجناح الا الماي خلص ...

شافتني الدكتوره واحتارت ماي نازل ومافيني طلق ولاده ولا ... (كل شي مصكر) ونبض الياهل يضعف وعقب ماقالت لي اسوء الاحتمالات وسلمت امري لله احتارو الدكتاره
عمر الياهل مايسمح له يعيش10% حتى يسوون لي قصيريه وبالاساس تعبان
او يعطوني طلق صناعي اتعب منه ويتعب الياهل ويموت
ينطروني لما اولد طبيعي

اخر شي خلوني 24 ساعه تحت الملاحظه عسى اولد طبيعي واجهض الياهل متوفي او بقدرة ربي انه يعيش وابقى عندهم لما يكمل 7 شهور

يوم الثلاثا قررو يعطوني طلق صناعي لانه حرارتي ارتفعت وكان النبض موجود بالطفل ومرت الساعات جنها سنين والحمدالله وبفضل ربي ولدوني طبعا الطفل ماقدر يتحمل وتوفى بعدها بدقايق واسأل الله ان يكون شفيعا واجرا لنا

بس تدرون شلي صار طلع في بكتريا داشه في الرحم وقضت على المشيمه سوت التهابات وخلت الماي ينزل من غير طلق الولاده لاحول ولا قوه الا بالله فا ديرو بالكم تكرمون من الحمامات والملابس الداخليه او اي شي ممكن يسبب المضره

وسامحوني على الطواله


__________________
http://dn.daisypath.com/IRUSp3.png


سبحان الله العظيم

الحمد لله الذي عافانا مما ابتلاها به

وفضلنا على كثير من خلقه تفضيلا


http://by.lilypie.com/CHnMp3.png