ديوان عذب القصايد للشاعر/ سعود [الأرشيف] - منتديات سعوديات النسائية

جنتي في صدري

09/08/2011, 10:21 AM

طال أنتظاري انتظر نور عيني =للي جذبني غفلة دون ميعاد
وأصبح خياله كل لحظه يجيني =لاعاده زياره محاصيله عناد
جدد على قلبي عذاب دفيني=واحاولت اكافها ولكن لافاد
العين نعس وذابل الشفتيني=ومخصر القامه وريان الانهاد
الساطي القاسي بشوفه يليني=يروض له ويصبح على البيت يرتاد
ناظرتها فجاءه وقال اللعيني=الله من حسن تعلا بالاشهاد
ومن عقبها حزني يباري حنيني=اصبر اخاف يعلم بنا كل نقاد
والحب ذا قبلي بلا الطيبيني=وكم مغرم افسد مواليفه انداد
لاشك انل من حب خلي سجيني =وغربه وأذا شفته تلقيت جلاد
تجلدني احزاني وحاضر سنيني=وليل كئيب يمر بأهات واسهاد
الله ولاحب لقلبي يهيني =للي على جم البهاذيل وراد
ياصاحبي منك ارتجي كلمتيني =كلمة احبك او تعجل بالابعاد

تجاهل زلتي وأحيي فوادي =أسيرك ضامي يرجي زلالك
عشقتك وهمت لك في كل وادي =وتاه النور ونور عيني خيالك
غريبه كيف غربه في بلادي=وعلمت إني غريب عن وصالك
فلاياصاحبي ناد المنادي=وشاب الراس من ثورة دلالك
ترفق بي وهون في جهادي=رجيت الصلح مانقوى قتالك
وانا حر ليا حل الهدادي= اصيد وصرت مصيود بجمالك
ولالي حيلة فيها افادي= مادام القلب مع روحي لجالك

يابقائي شتاتي اجمعيني لعل=يندمل جرح للي مالقا له طبيب
صدقيني مصابي في غيابك جلل=ولادنيت امنياته والملذه يصيب
أه ياهي مأسي والقهر والملل=من حبيب قريب وبالمشاعر بعيد
جاءه قلب يداوي كل موضع زلل=وشاف ظلم ونادا ومال صوته مجيب

أشيل حزنـي فـي يدينـي وغيـري=يشيـل مفتـاح السعـاده والافـراح
والدمـع فـوق الخـد دايـم نثيـري=وأصبر وأشوف الصبر ماساق الارباح
لاواهني مـن كـان طفـل غريـري=الوالدينـه لابغـاء حاجـة صــاح
يسهل له الكايـد ويصبـح يسيـري=وعن ماينكد خاطـر الطفـل ينـزاح
ولاوهنـي الطيـر حيثـه يطـيـري=طليق جنحانـه علـى كـف الاريـاح
وعـزاه ياطيـر حناحـه كسـيـري=مالـه جـدا ياكـود جـره بالانـواح
وأقلبـي يلـي لاهـبـه يستعـيـري=لوه حديد القلـب مـن حرهـا سـاح
علـى شبيـه البـدر بـاه النظيـري=في سلهمة عينه عذاب نـزع الارواح
ثلـب فـواد كـان حـده شطيـري=صرت أرقب لزوله على كـل لـولاح
غـرو خـذاه الكبـر وانـا أجيـري=يمن فـي وصلـه وشوفاتـه شحـاح
ليتـه يصلـي ركعـة يستخـيـري=وافوزبه وانهـي معانـات واجـراح

لاثار في صدري براكيـن الاهـات=طفيـت لاهبهـا بعـذب القصايـد
ماكل من نرجيه يأتـي بمشهـات=حياتنـا مابيـن يسـر وزهـايـد
الله هو العالـم بخافـي الخفيـات=يجلي عن المخلوق ثقـل الشدايـد
قلب شكا مشتاق ولابه مراعـات=من صاحب جفواه صارت عوايـد
عايش هني البال وقتـه مسـرات=عزاه من لاجلـه أسيـر النكايـد
للناس مهما اخفيت لجرحي علامات=تفضحني الدمعه وذا الحـال بايـد
قلت أدله الخاطر بروحـه وجيـات=مافادني حيثه علـى الفكـر سايـد
مايبعد العشـاق بعـد المسافـات=الصـد جـرح ماتفيـد ضمـايـد
والا الوفاء حي وفي صاحبي مات=عهد الوفاء أشعل عليـه الوقايـد

أعذريني كيف اسامح وأنت اسباب الجـروح=كيف أحبك وانت حبـك أعذرينـي لااقـول
تتركيني فيك حايـر والقهـر منـي يفـوح=منك مليت الاجابه وطبع الانسـان الملـول
جيتك الشهد المصفا مرهف" كلـي وضـوح=محتمي اسرار حبك مـن تعبـاث الفضـول
طالب" وصلك ولكن كنت في وصلك شحـوح=التجافي من طبوعك والنـدم لـي والخـذول
ياما خليتك بكيفـك ويامـا للزلـه سمـوح=ماتبـي منـي يلبـا لـو ثقيـلات الحمـول
كنت طالب في هواكم مجتهد وعندي طمـوح=ضاعت احلامي وسببها صاحب" ضايع كسول
قلت زله من غرير" فالهوى شفق وشفـوح=عادتـه لاحـب شـي" ماتـردد لايـنـول
للعذارى مسفهل ودايـم" ضحـك ومـزوح=من جهل به قال هذا فيـه مـس او معلـول
مادرى انه لاتوارا ينـزف دمـوع وينـوح=ساهر"ليله وفكـره عـن جليسينـه يحـول
ان كتم حزن بصدره جاتـه اوراقـه تبـوح=مثل زهر"في شذاها تسحر اصحاب العقـول
بس انا مليت حب" فـي مطاليبـي شحـوح=تارك هـذا قـراري ماابـي منـك حلـول
هذي مزوني بترحل وموسم القيض بيلـوح=وانتي يازهـر الخزامـى استعـدي للذبـول

اه منهن كم سجين عيونهن=ماخذاتن حقهن كامل وزود
يجرحن قلوب ويشفن ان هون=يذبحن مشتاقهن بوصف البرود
فاتنات"مشرب الزين ارتون=كاملات ماعطن غير الجحود
لامشن والاحكن ولاضحكن=تبهر الناظر وتطحن فالكبود
يشفق العطشان وعنه يختفن=وان سقنه عاش عمره في سهود
يسرقن النوم من بين الجفن=للعذاب والغبن فرقاهن يقود
ينساء ربعه من سكنهن واستكن=فيهن الانسه وجنات الخلود
وينسى سعده من على كتفه رقن=في حياته بين اسياب وقيود
ضلع اعوج بالتمسكن التون=من 100 تلقا بهن وحده ودود
ساحرات ماقوي الاقون=طوعنه يرتجي منهن وعود
واسال الله وهو كريم ما يمن=يحرص العشاق من عين الحسود
وينعم بنوم العيون الي جزن=وللفرح مقبل وحزنه مايعود
قلت ماقلته من اسباب من فتن=فالشفايا الذابله وحمر الخدود
في حبيب" مالقيت مثله ولن=هو بعد يلقى بديل" في ((سعود))

ياعذابي يوم قفى بالرحيل=ودمعته من فـوق وجناتـه تسيـل
قلت ياوجدي بعد فرقاء الخليل=وين انا والصبريالمجمول وين
ماصبرت يوم على فرقاك ابد=وانت فقدانك ترى اكبـر جهـد
قال انا ماشي وابي فرحك يدوم=والثنايا والسعـد لازم يبيـن
ثم مشى يبكي وهو حاله خطير=والاانا اقدامي تردت لا تسيـر
وحشرجت فالصدر ابيات تقول=والله ان الحب للقاسـي يليـن
كم طوا قرم وخلها امعلول=ونوخه في طوع خلـه كالرحـول
من عصر ادم وهوحب وافراق=ليت ربي لكل معشوق" يعيـن
ان تفكرنا في مجنون الهوى=في هوى ليلـى تعـذر ماقـوى
مات في ليلى وليلى تموت فيه=وكل منهم في هوى الاخر مدين
وعنتر العبسي وجيش ماقواه=حافظ التاريـخ مجـده مانسـاه
ليله مانامه وشوقه يحرقه=وهوشجاع وصفه من وصف العرين
والدجيما يوم قال ياجر قلبي=بعد فرقاء غالـي" حبـه لعبـي
وصى من حوله اذا جاه الممات=يتركونه في حشاء الغالي دفين
وجيلهم ولى وحنا مقبلين=للشقـاء والشـوق صرنـا مقيديـن
لوبكيفي ماهويت احد ابد=ولايسـوق القلـب لاوجـد وحنيـن
والله ان الحب فيه حلو" ومر=ويوم شمس "حارقه ويوم" قمـر
الوصل مطلوب بين العاشقين=والهجر مشكى وعبرات وانيـن
وياحبيبي...لايغيرك الغياب=وانت وافي وقولي مجرد عتـاب
اتصل بي ولاتقاطعني ابد=وان قطعت حبك ماتمحيـه السنيـن
في امان الله ياطب الجروح=ويحفظك ربي من حيث ماتـروح

هلا يافرحة" فيـك البشايـر كلهـا تنسـاق=الي دار" كساه الورد والياسمين في قدومـك
ليال" كنت احسبها وانا ولهان ولك مشتـاق=جريح" وانت ياقلبي رميت اسعود بسهومـك
انا اشهد مالقيت مثلك ولاغيرك بعينـي لاق=عسا الله يعزز اوصالك ولايجعلني محرومك

رح فمـان الله والحـظ السعيـد=يكتسيك ولانكد عينـك تشـوف
دام للفرقـا بذلـت الـي تريـد=عنك قلبي عازف" كـل العـزوف
قانص العثرات للصيـده يصيـد=والقمر بامرالولي جاه الخسـوف
أحسب ان قولـك موثـق يابليـد=وأتضح كذبك مثل رسم الكفـوف
أستلمت القلب وقطعـت الوريـد=أه يامقساك كيف وانت العطـوف
الصداء سم" على جمـع الحديـد=والجفاء سيف" معلـق بالكتـوف
الهوى كم قبلنـا شيـخ" عنيـد=في هوى ريم الفلا شفق" لهـوف
وجاهل الحب لاسمع صوت النشيد=أنجرف فـي قارب"بليـا جـدوف
رح فمان الله ولك عمـر" جديـد=مع محب" لك توافيـه الصـدوف
وقتنا ساعـات ونسيانـي يبيـد=وعادة النسيان لي احلا الوصوف
لانـدم حـرك احاسيـس" تعيـد=مالنا اطـلال توجبنـا الوقـوف

غبت وصرت الدمعه في خد السجين=لاسالتي ولاأنشغـل بالـك علـي
وانـا يالمحـروم شفق"ترجعـيـن=وانت بلاحساس لك قلب" خلـي
والله أنـي فـي أعـداد الميتـيـن=لين أشوفـك فـي حياتـي تقبلـي
أنت وحدك قـادره بـس ترسميـن=بسمتـي والحـزن عنـي ينجلـي
جاك حب" صادق" عذب" متيـن=ومنك نار" مـن لهبهـا أصطلـي
مـرة أيـام" وانـا ظنـي تليـن=والرجـاء بالله يعـيـن المبتـلـي
كل ليلـه كنهـا رمـح" سنيـن=راجي" عفـوك وعتقـي تفتلـي
قد نفـذ منـي التوجـد والحنيـن=والبكاء والشعـر وملونـي هلـي
كود من وقت" بهـا بـدري يبيـن=هايـم" مشتـاق عنـي يسـلـي
أسالـك بالله يـالـدر الثمـيـن=كيف لـك قلب"وعنـي ترحلـي

ارحب ارحب شاعر" بيح وليفه سـده=واعرفه صلف"ليا طاح طيحته متساوي
ارتوا من مبسمه وشم الرحيق من خده=والنهد خطر" يشق الثوب حيثـه راوي
والتحف في ليل" أظلم باليميـن يكـده=جادل"ريحه يفوح المسك شفاة الهـاوي
مالومـك لوكتبـت القـاف فالمسـوده=واندب واندب كل شاعر للجزاله يـاوي
واعذابي مـن حبيـب" لابغيتـه حـده=سلمنا والسلم حبل" فالحنايـا لااوي
قد قلبـي يالسنافـي ,,وشالـه ولارده=واعذاب العين ترقب كل" نجم" ضـاوي
مايلام صويحب" صارت ضروفه ضـده=كل" حر" طامع" به وكل"ذيـب عـاوي
حملي لوه يرتكي لطويـق ظنـي هـده=ليت ميل الحظ يمشي ساعة متساوي

ياضميري الحي انبذها عيوب=والفضايل نادها لي نادها
قبل شمس العمر يطويها الغروب=ونار ربي نصبح انا زادها
كل لذات" تغايا للقلوب =نشوة والحسره يبقى جهادها
متلف" حالي ومتلفها لعوب=ضعت بين الوصل وفن عنادها
ذنبي كل طرف كحيل به اذوب=والنظر بندق يثور زنادها
كل مافكرت كيف اسلا واتوب=هاجس العشاق للغي قادها
وحين يفوح الورد وتذريه الهبوب=أنتعش والشعر هل اجدادها
يبطش الجبار ويعود مغلوب =كل همه بس كيف اسعادها
وان جفت ضاقت عليه كل الدروب=والطنا والهم ذاق احقادها
أن جلس وان قام في كبده شبوب=وكل يوم يزيد في وقادها
ولارضت منصور في كل الحروب=تنتهي الاعياد عند اعيادها
الهوى اهات وهموم وذنوب=والصبر كم مغرم "مافادها
عاشق" عن كل مشتاق" ينوب=يطلق احجاج" وثيق اعقادها
ان هويت اطمع لمن يمك جذوب=تطلب الله فيك تلقى مرادها
واترك المقفي عسا جمع" قنوب=تنهشه حتى تبل اكبادها

ياحبيبي كيف ابصبر وانت صرت =مثل دم" في وريدي جاريا
كيف وانت الحلم عمرت ودمرت =بعت ناس" وانت وحدك شاريا
مؤمن بالحظ حتى لو خسرت =لاأجلك اشرب كل سم" هاريا
ساعة افراحك على الموت احتضرت=رغم اني للمخاطر ضاريا
صرت كسير" ياحبيبي وأستسرت=أرجي عطف" منه جرحي باريا
شف بعينك بذرك اللي بي بذرت=الشجر ميت وغصنه عاريا

&&منقول&&