شنو الاحسن المتاجره بالمحاشي ولا الحلويات او السلطات او المعجنات ؟

[احب السعوديه]

مرحبا سعوديات

شلونكم شخباركم ؟

انا اختكم احب السعوديه من الكويت وحبيت استشيركم بامور التجاره لان احس او مثل ماهو واضح ان السعوديات اشطر بنات العرب بهالسوالف واحس مخوخكم نظيفه وتفكرون صح وطموحات حيل مشالله عليكم عيني عليكم بارده

المهم يالغاليات بغيت استشيركم

انا صراحه طاحت عيني على موضوع < رحلتي من الفقر الى الغنى >

وانا صراحه من بعد وفاه ابوي الله يرحمه وخساره حلالنا بالاسهم على الله وعلى معاش الشوءون يرحم الله ايامج ياجنيف وباريس < احس اني طراره هههههه

المهم انا مو جايه اشكي الوضع انا جايه وكلي تفاءول عشان احسن من وضعي

فانا اشوف نفسي شاطره حيل بالطبخ ونفسي حلوه بالاكل وكل مااسوي كيكه او فطاير او شاورما محد يصدق يقولون شكلج رفله ههههههه





المهم ماطول عليكم

انا بالبدايه قلت ابي اتاجر بالطبخ مثل المحاشي ومدري احسها متعبه حيل بس هي الي احسها ماشيه برمضان

وبعدين فكرت بالسلطات وقلت اريح والذ < بس احس الشعب مو مال سلطات بس اكلات سريعه وهمبرجر اي يفيد للصحه يجيب لنا حساسيه مع ان حيل دشت براسي هالسالفه

وفكرت بالمعجنات بس مدري احس المحاشي اهون من سالفه الفطاير

وفكرت بالحلو قلت حلو خاصه الكيك احس شغلها ما يتعب والحلويات تونس يعني مو بنفس اليوم لازم اشتغل فيها نفس المحاشي يعني اقدر احطها بالثلاجه واخزنها وماتعب

وخطر ابالي العصاير < ماسمعت احد يتاجر فيها بس قلت يمكن في ناس تحبها


الحين الي بقوله اختارولي من وجهه نظركم احسن اثنين من< ناحيه الدخل والاكثر طلب> عشان ابدا متاجرتي فيهم

وانشالله ببدا بخطوتي هذي على شهر 7

المهم الي بقوله هل ضروري لازم اطلع لي ترخيص عشان ابيع ولا مو لازم

وبنات انا شاطره بالخلطات للشعر تنصحوني ابدا فيها من الحين ولا لا ؟

[أميرهـ]

خلية بوفية تشكيلة يبدأ من شخص للــ للي هو حسب العدد
للزيارات النسائية ووو والطلب قبلها بجم يوم
لأن الناس كل يوم يطلبون صنف ومن ضمن هالشي الذبايح طبخ البيت مطلوب مطلوب والوحدة لوتخصص فيه بروحة بعد ربحانة
بس حطي صور بإعلانج وبالمنتديات
وبعدها بتمشي الأمور إن شالله لوكل يوم طلب واحد :;ksa41;:
وبالتوفيق عسولة

[فوشيه]

شوفي ركزي على شي واحد بالبدايه مثل الحلى بس وسوي لك منيو خاص بالحلا عشان تكونين مشهوره بحاجه معينه وبعدين لما تنشهرين تقدرين تتوسعين بالمنيو وتضيفين اصناف جديده
وانا قلت ركزي على نوع واحد عشان تبدعين فيه اكثر وهذا رائيي
والله يوفقك

[احب السعوديه]

اميره .. كلامج صح بس سالفه البوفيه احس يبيله مجهود وحتى الذبايح وانا ابي ابدا بدايه بسيطه لاني بشتغل فيها بنفسي وبعدين لا شفت شغلي مشى جبت طباخه تساعدني

فوشيه .. عاد امس كلمت رفيجتي قالت اكثر شيء يحبونه الحريم الحلو .. وشكلي ببدا بالحلو والسلطات ..

بس انا ابي اكون شغاله برمضان احس المحاشي اكثر شيء ماشي سوقه برمضان

[الحالمة بالجنة]

موفقة

[رعشة خفوق]

موفقه يالغاليه