اقرئيها لنهايه وساعديني تكفين

[غلطتي حبك]

انا اعاني كثيرا من زعل زوجي المتكرر وهجره لي مع انه انسان طيب القلب خدوم الاانه عندما يزعل يصبح انسان اخر صعب رضاءه تعرفون بانه كل مره زعل مايرضى الالمن اجيه فوق الخمس مرات بشكل يومي ولازم ابكي وانحر وترجى لاني بطبعي ماحب الزعل واضايق لمن يزعل مني مع اني مااقصد ازعله واحس انه يذلني لمن يزعل زي مثلا ما يرضى يوديني السوق او عند صديقتي واذا وداني مشوار وهو زعلان يكسر لي ظهري من سوقته يعني يتعمد السواقه الشينه مادري انا السبب في الشي هذا هو ماكان كذا لمن يزعل بالعكس كان يترضاني بس من حوالي ثلاث او الاربع سنين صار على الحال هذا يمكن انا عودته علششان دايم اجيه واقعد ابكي لين مايرضى مع انه يقولي وخري عني ماابغاك طفشت منك ويسب عيشته معاي سبحان الله هو انسان ثاني لمن يكون راضي وعلى فكره اكثر زعلي معاه بسبت صوتي يقول مرتفع فضحته عند جيرانه ويزعل بشهور بسبت هل الصوت اعطوني حل تكفون انا جلست معاه بينت له انه غصب عني يرتفع صوتي وانه بكلامه يجرحني وعدته ماعاد ارفع صوتي واحاول قدر الامكان اني مارفعه بس وقت الزعل يرتفع وعلى فكلره احس انه مايحب اني احاسبه على شي يعني هو يسوي كل شي يبغاه وانا كل شي يحاسبني عليه ويسجل بالورقه والقلم والله تعبت ومع اني احبه بس كثير افكر اني اسيبه ويردوني عيالي الاربعه الي بحلقي الله يخليهم لي تكفون القولي حل وساعدوني انا اكتبلكم والوضع باني وبنه متازم لابعد الحدوووووووووود

[دافوره]

أختي أسأل الله أن يهدي لك زوجك ويقر به عينك يارب


بالنسبة لعصبية زوجك حاولي قدر المستطاع تتجنبي الأشياء اللي تحسينها


تضايقه وحاولي اذا صار هو معصب تهديه وتكوني اهدى منه !


أكيد لكم فترة متزوجين يعني تعرفي نقاط ضعفه ولا تنظرين لزلاته أنظري


لحسناته وايجابياته مهما يكون هذا أبو عيالك لازم تصبرين وبعدين أحمدي ربك


أن فيه خير.......


بعضاتهم يحكون لي عن ازواجهم مافيهم خير ابد


عزيزتي عليك بالدعاء لزوجك في كل وقت عند سجودك وفي اخر الليل


ادعي له ان الله يصلحه لك ويقر به عينك ويهدي سركم ويحميكم ويجعل الرحمه والموده


ما تفارق بيتكم........


وهذي نصيحة أخت متزوجه اتمنى تتقبلينها ((يسروا ولا تعسروا))

[ضُحى]

إن شاء الله المتزوجات يفيدونك ياقلبي ..

[غلطتي حبك]

مشكوره اخواتي الي رداتو علي بس انا والله تعبت من زعله وكل مره اجي اراضيه يكسر خاطري ويجرحني بقله ذوقه معي مايقدر مجي له حتى مايعترف انه غلطان لانه من وجهت نظره انا بس الي اكون غلطانه

[غلطتي حبك]

طيب اخواتي لو بغيت زي كل مره اراضيه كيف اراضيه يعني اعطونني فكره اراضيه بها
لانه صعب رضاه واذا ماراضيته ممكن يطنشني شهر او اكثر وفي النهايه برضه انا الي اجيه واراضيه وكل مره اقول اخر مره ماعاد راح ارضيه ارجع واراضيه

[آمـوله]

انتي حاولي ماتزعلينه علشان ماتراضينه
الله يعينك حبيبتي
حاولي تراضينه وقت النوم وتكونين باجمل حالاتك طبعا
وها منا ومنا لين يرضى الله يسخره لك

[غلطتي حبك]

ماهو من النوع الي يرضى بهاذي الطريقه خاصه انه ينام بغرفه وانا بغرفه ثانيه

[QYEEN]

الله يعينك يا اختي ويصبرك عليه هذا النوع من الرجال صعب جدآ ان ترضينه واذا تبغين الصراحه المفروض انك ماتبكي وتتوسليله هو شكله يحب احد يسويله كذا ويفرح مرره انتي عودتيه على كذا وانتي لاترضين لين هو يسوي كذا والله مراح يسوي زي ماانتي تسويله ولا تراضينه كثير مره او مرتين هو يستانس وانتي كل شوي تراضيه الغلط منك انتي يا اختي

الله يخليكم لي بعض

[غلطتي حبك]

شكرا ياحبه الثلج وانا معاك في كل الي قلتيه واعرف اني السبب واني عودته خاصه انه زمان كان يجي ويراضيني بس يوم شاف جري عليه كف نفسه عني
ومثل ماقلتلك دايم اقول راح اخسره بس ارجع ارضيه واقول يمكن يقدر يشوف على وجهه انا ما احب جو الزعل في البيت لاني احس انه ياثر علي كثير ترى من يوم ماكنت بنت عند اهلي اذا حسيت انه امي وابوي زعلانين اتاثر كثير والحين مع زوجي ماقدرت اتغلب على نفسي في هاذي النقطه على فكره انا لي فتره 10 سنين متزوجه وبدا يتغير علي من ثلاث سنين او بمعنى اصح بدات اضعف وانسلخ من عزتي ونفسي

[غلطتي حبك]

كل هاذي مشاهدات ولي ردو علي مشكورين ينعدوا على اصابع اليد الوحده تفاعلو معي اعطوني حلول عسى الله لايحرمكم الاجر

[سعوديه رزه]

الله يهديلك زوجك ان شاءالله ويشرح صدره


بصراحه انا ما اعرف لهذي السوالف لاني بنت بس بقولك ع مثل:.أتركه تملك..

يعني اذا زعل اتركيه لاتراضينه الرجال يحب المراه الثقيله

[بنت الزعيم]

الله يهديلك زوجك ان شاءالله ويشرح صدره قولي امين

اختي والله حلك مو ازين من حلي بس الله يعين

[حرم الشايب]

الله يصبرك يالغلا
والله يعينك ويهديه لك
وياقلبي لاتحاتين المشاهدين اللي شافو موضوعك ترى احمال زوار ماسجلو بمنتدانى
ومشكلتك برايي انك تطنشينه
وتبينيله باحترامك له وتخفضين صوتك
وتعيشن لعيالك
لان الرجال جبل ماتوصلين راسه
يانك تتعدلين باسلوبك وبالحاجات اللي يكرهها
تبتعدين عنها
وهو اكيد بيلاحظ
وبيتسامح منك
وهذي الامور يبيلها صبر
وتاني
مو بين يوم وليله تقولين خلاص
اصبري واثبتيله تغيرك
واذا مو عشانه عشان الجيران مايسون عليك وبصوتك
وعيالك بعد ترى يفهمون
حاولي قدر المستطاع انك تدعيله بصلاة الليل ان الله يهديه
وكثري من الاستغفار في كل حل وترحال
وانا ترى مجربه الاستغفار
يحل امور صعبه على الانسان حلها

[جــنــاان]

حبيبتي نصيحتي لج انه يكون فيه باب النقاش مفتوح بينكم وتناقشي معاه ع الامور الي تضايقج وهو يقولج ع الي مضايقه وكل واحد يوضح وجهة نظره وابدا لا تتركون مواضيع معلقه بينكم وخصصوا يوم قولي لازم ننهي هالزعل الي اثر على حياتنا ويمكن نخسر بعض بسبب زعل ومواضيع تافهه مالها اي داعي تجبرنا نكره بعض شوي شوي
قولي انج تحسين انه متغير عليج وصارحيه بمشاعرج قولي كل مرا انا اجي اراضيك الى متى تزعل من شي مايسوى قولي له انج تعبتي وترا المجامله معبعض الرجال ماتنـفع الا تقولين الحقيقه بوجهه وباسلوب تخلينه يفكر بينه وبين نفسه وصدقيني اذا رضيتيه بدون نقاش ولا وضحتي وجهة نظرج ولا كأنج سويتي شي
تدرين انا زوجي بداية زواجنا دايما اراضيه لما تعبت منه وقمت اصارحه واتناقش معا
اذا زعل بدون سبب وانا اللي مفروض ازعل اطنشه لما يحس بغلطه وهو الي يراضيني ولو طالت الايام ولا اعترف انه غلطان
واذا جا يراضيني اخليه يعترف انه غلطان

وبعدين ليش كل واحد منكم بغرفه تقول فوزيه الدريع اذا باعدت المخدات باعدت القلوب معها
بالعكس انام جنبه واتعطر باحسن العطور اخليه ينقهر ويضطر انه يراضيني
لازم تلقون حل بالصراحه والنقاش والحوار هو سر السعاده الزوجيه
وربي يهدي سركم ويصلح لكم شانكم كله
يارب العالمين
اسفه اني طولت عليج لكن وربي حاسه فيج واتمنى اني اكون افدتج يالغاليه

[Umm Raed]

السلام عليكم
زوجك من النوم اتق شر الحليم اذا غضب
اي رجل بالدنيا يكره المرآة الملسونة وتحسسه بالنقص من رجولته وحتى لو صرختِ على آمرآة تغضب لانه انتهاك كرامتها
الرسول صلى الله عليه وسلم قال بمامعنى حديثه المؤمن القووووي خير من المؤمن الضعيف والمقصود بالمؤمن القوي بشخصيته وسيطرته على غضبه والتحكم ب اعصابه
انتِ حاولي ماتغلطين وله حق يغضب لان صوتك وصل الجيران والرجل بطبيعته غيور وصوت المرآة عورة
ولاتغلطين عليه ويكبر خاطره عليك وترجعين تتاسفين لدرجة يجرح كرامتك وممكن يبقى الجرح بنفسه <<< احسبيها كم غلطة
اي خطوة تخطينها احسبي عواقبها
قبل ماتلاقين حل لزعله راقبي تصرفاتك مع الله اولا
وانا ماقلت كلامي هذا يدل على اننا لانخطي لا كل ابن ادم خطائون
ودووووووووووم بصلاتك وبقيامك بصيامك قولي اللهم اسالك الرضى واذا ربي رضضى عليك الكل بيرضى عليك
زوجك اذا غلطتِ عليه راضيه بس مو درجة اهانة لنفسك
واذا ما غلطتِ ناقشيه وابدي بالسلام والكلام والمزح في حال مارد عليك نااقشيه
70 % من حالات الطلاق انعدام النقاااااااش
والطلاق انسيه لاتحلين مشكلة بمشكلة

[احاسيس صامته]

اختي بصراحة ماحبيت ادخل موضوعك ولا ارد صح اني مومتزوجة ولا افهم بالاموور

والاخوات ماقصروا
بس ابي اقولك على شغله الاستغفااااااااااااااار عليكي بالاستغفااار اكثري منه بنيه ان ربي يصلح حاله لك
والله ياربي يهديه لك ويسخرة لك ان شاء الله ومايشوف احد غيرك ياااااااارب

[غلطتي حبك]

الله يجزاكم خير كل الي رديتو علي والله احس اني ارتحت وراح احاول ارضيه من غير ما اهين حالي وبعد كذا اعدل روحي وصوتي واتناقش معاه واخذ موقف في حياتي معاه

وترى يابنات انا مابغى اهضمه حقه هو يقولي كل شي فيك زين بس هل الصوت
وهو اذا كان راضي مافيه احسن منه حتى الكاس مايبغاني اشيله واذا كنت مثلا نايمه وعند ظيوف مايصحيني ابد يدخل المطبخ يسوي كل شي لوحده

وبالنسبه لنومي لوحدي علشان هو دوامه بدري وانا اسهر مع ولدي باليل ماينام دايم يبكي ومايخلي ابوه ينام وغلشان مايصحني اذا قام الفجر بس لمن يزعل في الاجازات مثل الحين ينام لوحده قهر فيني

[طبعي ذبح غيري]

الله يهديلج زووجج ويعدل امووورج ان شااء الله وترى كل بيت فييه مشااكل والحمدلله انتي احسن من غيرج .,

وانتي كثري من الاستغفاار وادعيله بصلاتج

واناا ان شاء الله يااقلبي بدعيلج بكل صلآة .,

[غلطتي حبك]

مشكوره اختي طبعي دبح عيري وتكفين ادعيلي ان ربي يغير حالي للااحسن معه

[غلطتي حبك]

اختي حرم الشايب شاركني برايك دام انك موجوده وشكرا مسبقا

[لوتس]

ياعمري والله انتي مثل ثنتين من صديقاتي اذا جو يراضون ازواجهم ما يرضون ... فيه نوعيه من الرجال مايتحركون اذا شافو الدموع ... وصراحه ما ادري وش السبب لآني ما اعتبرها عدم اهتمتم او عدم حب .. لان الاكيد ان زوجك يحبك ومهتم فيك مثل ازواج صديقاتي..... حطي هالشي في بالك ولاتخلين الشيطان يدخل بينكم لانه دايم الدوم معكم وحاولي حاااااااااااولي تذكرينه باستمرار بهالشي {{ علشان الشيطان مايسطر عليه وقت الزعل :;ksa12;: }} ولو لاسمح الله تهاوشتو لا لا لا لا لا لا لا لا لا لا لا لا لا لا لا لا لا لا لا لا لا لا لا و الف لا ترفعين صوتك عليه لان الرجال كل شي ولا رفع الصوت لانك بهالشي تنقصين من رجوووووووووووولته وبرضو من انوثتك وهالشي اكيد ما يحبه ... حاولي تسكتين ولا توخرين من مكانك الا اذا وخر هو وبعدين قومي وتوضي وصلي و اقري صفحه من القران واقعدي استغفري وبعدين قومي و اعتذري منه اذا كان وقت نومه واذا مو وقت نومه لا تراضينه انتظري اليل والبسي وتعطري (( لان مايصير ينام وهو زعلان )) وحطي في بالك انك راضيتيه علشان واجبك مع ربك مو علشانه وكوني متوقعه عدم رضاه علشان ما تنصدمين بس انتبهي انتبهي انتبهي لا تورينه دمووووووووووووعك لان هالشي يزيد من ثقتك بنفسك وهالشي يخلي الزوج يتمسك فيك اذا كانت الثقه معقوله ومو زايده لدرجة الغرور لان بهالشي بيخاف يخسرك ... واذا ما رضى خلاص حطي راسك واستغفري لين تنامين وبكره لا تكلمينه لين يكلمك ولو كلمك بنفخه كلميه بآدب وبنفس الوقت ببرود واذا كلمك عادي كلميه عادي و انسي اللي صار ولا تنسين اهتمي بنفسك خاااااااااااااااااصتن وانتم متهاوشين و اقري علي نفسك يمكن العصبيه اللي فيك يكون عين لان اغلب النرفزه على الازواج والابناء هالآيام من سببها العين ((حل مجرب ان شاء الله ينفع معاك )) اتمنى اني افدتك وتقبلي موروي :;ksa34;:

[رقة احساس]

حبيبتي اول شي اقول الله يعينك عليه
انا من رايي انه لما يكون مبسوط ومستانس
ع آخر شي ناقشيه بهالنقطة وانتي ادرىبطبعه
هذا اذا كان يقبل النقاش اما اذا طنش هالكلام
او مارضى يسمع فخليه اذا زعل خاصة ياكان
من غير سبب يعني لاتروحين لمه وتهينين نفسك
اكثر من اللازم خليك قوية
الله يهديه:;ksa36;:

[غلطتي حبك]

الله يعطيكي العافيه ماقصرتي الاخت لوتس وكمان رقه احساس بس تدرين انه قلبي مايعطيني على زعله

[غلطتي حبك]

انا عرفت انك موجوده بموضوعي اخت لوتس وحبيت اشكرك كلامك كثير ريحني

[غلطتي حبك]

ليه توقفت ردودكم انصحوني مازلت الحرب قائمه بيننا

[ام حمـودي]

حبوبه حالتك صعبه وتقهر

وبحاول قد ماقدر افيدك ان شاء الله

اطباع الرجال ..

مايحب ينزل نفسه لزوجته

مايحب يعتذر

مايحب يعترف بغلطه

يحب التسلط

فانتي لاتسوين الي يزعله ابد وحاولي تبعدين عن زعله بعد كيلو ولاتقربين منه

وثاني شي اذا صار وزعل لاتكبير السالفه وتروحين تعتذرين وتعودينه ..!

خلاص لاتعتذرين وخل يتعود ان ماتعتذري

مو معناه ماتعتذري ان تغلطي وعلى كيفك ماتعتذري لا اقصد ان بسبب الزعل الي ماله داعي يزعل ويطول الى شهور

حاولي تشغلي نفسك لازعل بالبيت طلعي اي شغل واشغلي نفسك لاتشغلين نفسك بالتوسل له والترجي وووو

حاولي ترجعي حياتك مثل قبل

ولاتفكرين تتركين بيتك علشان زعل

الزعل يجي ويروح والمشاكل ماتنتهي ابد من البيوت وشوفي مصيبة غيرك تهون عليك مصيبتك

والله يسخره لك ويهديه ويهديك

.. ورى ماتتركين رفع الصوت !

انا بعد احس حركه مو حلوه الجيران يسمعون صوتك