مشكلتي انا واهل زوجي

[ام نايف]

السلام عليكم

اشكركم على الاهتمام بس اتمنى المصداقيه فالرد ارجوكم


انا من يوم تزوجت وانا اعرف ان اهل زوجي مايطيقون مرت عمهم


المهم مرت عمهم ذي ماجاني منها شي ابدا الا قدرتني وجتني فبيتي واهدتني


بعدها بفتره سيرت عليها


وبالعيد كنت جايه من السفر اتصلت علي قالت لازم تجيني على العشاء لكن رغم تعبي

جاملتها ورحت

وبعد يومين كنت عند اهل زوجي قالت اخت ززوجي ليش تروحينلها انتي ماتدرين انها تكرهنا

وشمعنا ماتروحين الا لها هي على بالك تحبك.................الخ)

رديت عليها وقلت انتم تكرهونها لان صاير بينكم مشاكل انا مالي شغل فيها والحرمه وجبتني وانا

ماراح اطلعلها شيني علشانكم مزاعلينها............


سؤالي هل اقاطعها علشان اهل زوجي مع العلم انها ماسوتلي شي

علما ان علاقتنا سمن على عسل

ارجوكم ردو علي لاتطنشون

[بنت المطر]

والله انى مشغوله الحين
لكن برجعلك على رواق ونتشاور انا وانتى فى اللى ساير
بس الا ما ارجعلك بقولك لازم ماتخلطين فى الامور
والباقى اعلمك فيه على رواق

[ام نايف]

تكفين والله ضايق صدري اول مره يصير بينهم مشكله وانا حدي مؤدبه معهم

[بنت المطر]

حبيبتى ام نايف
دام اهل زوجك طيبين معاكى وكمان مرت عمهم ما جاكى منها خلاف
امسكى الحبل من النص هما اهل ومسيرهم يتصالحون طال الزمان ولا قصر
وانتى خليكى مع الكل طيبه ولا تدخلين المواضيع فى بعض مع اهل زوجك لاتطرينها مدام طاريها يضايقهم لابخير وولابشر
وعنددها لاتسمحين انها تنفتح مواضيع عن اهل زوجك
بس وخليكى على الحياد وحاولى تكونين رسمى معاها عشان ما تضايقين اهل زوجك بس كونى لطيفه وودوده لما تتقابلون
بس طبعا مو بدون علم اهل زوجك يعنى لو رحتى لها ولا جاتك عادى يدرون
وفى الاول والاخير انتى اساس كل شى لاتكونين امعه وتسمحين لاى شخص اى كان يتحكم فى تحركاتك مدام انك واثقه انها ما تضر احد
اتمنى اكون افدتك
وطمنينى اذا سار جديد
الله يكتبلك كل خير يارب

[ام نايف]

انا كذا والله العظيم لكن هم اهل زوجي يبوني مااروحلها يقولون هي جرحتنا واللي يجرحنا المفروض يجرحك

[بنت المطر]

ما ادرى حبيبتى بس المفروض هما عارفين انك مو طرف فى المشكله ولو يحبونك ما كى يظغطون عليكى اكثر بس عموما خليكاى فى حالك لا تقاطعنها ولا تخسرينهم
زى ما قلتلك قبل كذا لاتقاطعينها بساتجنبيها لين الله يغير الاحوال
ما اقول الا الله يعينك

[كويتيه ماتهاب]

شوفي حبيبتي ‏,,‏ اهم شئ أهل الزوج ولا مرت العم ماراح تنفعج بشئ,,‏ لان اذا زعلوا اهل الزوج خصوصا الخوات بيقلبون زوجج عليج ‏,,جدامهم لاتجيبين طاري لمرت عمهم احسن لج عشان تبتعدين عن المشاكل,,يمكن مرت عمهم اتقرب لج عشان تغثهم,,‏ ويالييت تأخذين راي زوجج أحسن حطيه بالصوره,,‏ عشان لاسمح الله خواته سببولج مشاكل عشان مرت عمهم يكون لزوجج عنده خبر أنج اتواصلين مرت عمه

[ضُحى]

إذا هي سوت شيي غلط وجرحتـهم

أكيد قاطعيها

وخاصةً إذا كان زوجك يكرههـا

أهم شي رضى الزوج والأهل :;ksa2;:

وحتى لو قلتي علاقتك معها سمن على عسل

مو تقولين لها كل شي ماتدرين الدنيـا دواره

أتمنى أفدتـك بس هذا اللي أشوفه بهالدنيـا

[دلوعه زوجهاالحلوه]

حبيبتي انا مع كلا م بنت المطر لانه مصير الاهل يتصالحو انتي خلكي مع الكل واهم شي ما تزعلي احد من اهل زوجك ولا زوجك ولاكمان مرت عمهم

[علولي]

انا من رايي تاخذ شور زوجك
اذا كان راضي بالزيارات عادي بس تكون قليلة مرة
واذا ما رضي حاولي انك تتهربي منها باسلوب ما يجرحها

[هادية الطباع]

اهلين وسهلين فيك عزيزتي،،
البنات وفو وكفو وقالولك الكلام عين العقل،،،
اجيبها لك من الآخر زوجك راضي بروحتك عندها وجيتها لك ..
اذا زوجك راضي مو مهم الباقين ،،،